Mae Aelod Plaid Cymru o Senedd Cymru wedi galw o'r newydd am ddatganoli'r system cyfiawnder troseddol yn dilyn cynnydd yn nifer y marwolaethau cyffuriau.
Roedd Peredur Owen Griffiths AS yn ymateb i ffigyrau gan y Swyddfa Ystadegau Gwladol oedd yn dangos fod 210 o farwolaethau wedi eu cofnodi yng Nghymru yn 2021. O'i gymharu â'r 149 o farwolaethau gafodd eu cofnodi yn 2020, roedd hyn yn gynnydd o 41%.
Mae'r ffigyrau ar gyfer 2021 gyda'r uchaf ers i gofnodion ddechrau bron i 30 mlynedd yn ôl.
Dywedodd Peredur, sy'n cynrychioli rhanbarth Dwyrain De Cymru: "Mae hyn yn gynnydd brawychus a gofidus yn nifer y marwolaethau o gyffuriau yng Nghymru. Mae pob un o'r marwolaethau hyn yn drasiedi i ffrindiau a theulu'r ymadawedig.
"Daeth hyn i'r amlwg mewn cyfarfod diweddar o Grŵp Trawsbleidiol y Senedd ar Gamddefnyddio Sylweddau a sefydlais gyda'r elusen gyffuriau Kaleidoscope. Yn ein cyfarfod diwethaf, cafwyd arddangosfa weledol o flodau – wedi'i ymgynnull gan yr elusen Transform – i gynrychioli pob marwolaeth cyffuriau yn y DU dros y flwyddyn ddiwethaf.
"Rordd yn arddangosfa bwerus a gofidus.
"Yn ei gyfanrwydd, mae hefyd yn dangos nad yw'r status quo ar bolisi cyffuriau yn gweithio a mae'n methu ein pobl a'n cymunedau."
Ychwanegodd Peredur: "Mae'n bosib y byddwn ni'n mynd at drin pobl sy'n gaeth i gyffuriau yn wahanol yng Nghymru gyda mwy o bwyslais ar leihau niwed ond mae cyfraith droseddol Lloegr yn dal yn berthnasol i Gymru.
"Mae'n hanfodol bod y system cyfiawnder troseddol wedi'i datganoli fel y gallwn ddatblygu polisi cyffuriau mwy tosturiol a mwy ar sail tystiolaeth sy'n ceisio cael defnyddwyr triniaeth effeithiol ac sy'n gwarchod ein cymunedau.
"Heb ddatganoli'r system cyfiawnder troseddol a newid mawr yn ein dull o fynd i'r afael â chyffuriau, mae arna'i ofnaf y bydd marwolaethau'n cynyddu ymhellach yn y blynyddoedd i ddod."
Os hoffech chi gefnogi Peredur a Plaid Cymru, cliciwch ar y linc yma.
Dangos 1 ymateb