Mae Aelod o'r Senedd Plaid Cymru wedi galw ar y Llywodraeth Lafur i ymestyn y polisi prydau ysgol am ddim cyffredinol i frwydro yn erbyn yr argyfwng costau byw cynyddol.
Gofynnodd Peredur Owen Griffiths, sy'n cynrychioli Dwyrain De Cymru, i'r Gweinidog Addysg Jeremy Miles ystyried y cynnig er mwyn atal plant rhag llwgu yn yr ysgol.
Mae Mr Owen Griffiths wedi dweud y bydd yr argyfwng costau byw yn golygu "y bydd y gaeaf hwn yn un o'r rhai mwyaf heriol yn hanes datganoli".
Dywedodd y bydd cost droellog eitemau bob dydd, hanfodol yn cael eu teimlo ar draws y bwrdd, gan gynnwys ym myd addysg.
Dywedodd Peredur: "Bydd y gaeaf hwn yn un o'r rhai mwyaf heriol yn hanes datganoli, oherwydd bydd yr argyfwng costau byw yn cael effaith greulon a didrugaredd ar bawb bron, ond yn enwedig y rhai mwyaf bregus, heb ymyrraeth sylweddol gan y wladwriaeth.
"Mae addysg yn un o'r nifer o lefydd lle bydd yr argyfwng hwn i'w deimlo. Bydd rhai plant sydd ddim yn dod o dan ein polisi prydau ysgol am ddim yn mynd yn llwglyd y gaeaf hwn.
"Ydych chi wedi rhoi unrhyw feddwl i alwadau Plaid Cymru i ymestyn y rhaglen prydau ysgol am ddim cyffredinol fel mesur brys i blant ysgol uwchradd?"
Ychwanegodd: "Ac, ymhellach i'ch ateb i Sioned Williams yn gynharach—nad oes unrhyw arian pellach ar gael i ysgolion i fynd i'r afael â'r costau uwch—ble fyddech chi'n awgrymu bod penaethiaid yn torri eu cyllidebau er mwyn cadw'r goleuadau ymlaen?"
Atebodd Mr Miles: "Wel, bydd yr Aelod yn gwybod mai gobaith y Llywodraeth yw y bydd hi hefyd yn gallu gwneud mwy ym maes prydau ysgol am ddim, ond mae'r estyniad y mae'r Aelod yn cyfeirio ato yn ei gwestiwn yn un lle byddai angen i ni wneud y mathau o doriadau mewn rhannau eraill o'n cyllideb y mae'r Aelod yn fy ngwahodd i nodi y dylai ysgolion ei wneud yn eu cwestiwn.
“Felly, mae'r her yn sylweddol iawn, iawn."
Os hoffech chi gefnogi Peredur a Plaid Cymru, cliciwch ar y linc yma.
Dangos 1 ymateb