Mae Peredur Owen Griffiths o Blaid Cymru wedi ymweld â phrosiect beicio cymunedol sy'n ailgylchu beiciau ac yn eu rhoi i bobl sydd angen cludiant.
Ymwelodd AS Plaid Cymru dros Ddwyrain De Cymru â Phrosiect Beicio Ffoaduriaid Casnewydd a redir gan Mark Seymour o'r Prosiect “Gap” yng Nghasnewydd. Mae'r prosiectau'n gweithio llawer gyda cheiswyr lloches a ffoaduriaid sy'n chwilio am brofiad a cyfeillgarwch.
Maent wrthi'n sefydlu canolfan feicio gymunedol arloesol yng nghanol Casnewydd, i ddarparu storfa feiciau diogel dan do 'talu wrth fynd' mewn uned siop wag. Maent hefyd am sefydlu amrywiaeth o fentrau beiciau cymunedol i hyrwyddo teithio llesol yng Nghasnewydd.
Dywedodd Peredur, a roddodd bedwar beic i’r prosiect yn ystod yr ymweliad: "Roedd yn wych gweld y gwaith sy'n cael ei wneud gan Brosiect Beicio Ffoaduriaid Casnewydd. Maent yn mynd â beiciau diangen ac yn rhoi bywyd newydd iddynt diolch i ymroddiad y gwirfoddolwyr.
"Mae'r beiciau hyn wedyn yn cael eu defnyddio i roi modd o deithio i bobl sy'n hanfodol i lawer deithio i’r gwaith ac o'r gwaith. Mae'r prosiect hefyd yn gwneud rhywbeth sy'n amhosibl rhoi pris arno – mae'n gwella lles meddyliol ac yn rhoi ymdeimlad gwych o gyflawniad i gyfranogwyr.
"Rwy'n dymuno'r gorau i'r Marc a'i wirfoddolwyr yn eu hymdrechion newydd ac rwy'n edrych ymlaen at ymweld â nhw yn y dyfodol yn eu safle newydd i weld sut mae eu cynlluniau'n dwyn ffrwyth."
Os hoffech chi gefnogi Peredur a Plaid Cymru, cliciwch ar y linc yma.
Dangos 1 ymateb