Mae AS Plaid Cymru wedi diolch i wirfoddolwyr am eu holl waith caled a'u hymroddiad wrth i ddiwedd Wythnos Gwirfoddolwyr ddod i ben.
Dywedodd Peredur Owen Griffiths, sy'n cynrychioli rhanbarth Dwyrain De Cymru, mai gwirfoddolwyr oedd "asgwrn cefn cymunedau" ledled ei ranbarth a’u cyfraniadau drwy gydol y flwyddyn.
Cynhelir Wythnos Gwirfoddolwyr rhwng 1 a 7 Mehefin bob blwyddyn, ac mae Wythnos Gwirfoddolwyr yn cael ei chefnogi a'i dathlu gan sefydliadau ar lawr gwlad ac mae'n rhoi cyfle i bob gwirfoddolwr gael eu cydnabod.
Dywedodd Peredur: "Mae gwirfoddolwyr mor hanfodol i'w cymunedau felly mae'n iawn ac yn briodol ein bod yn cymryd peth amser i ganmol y rôl y maent yn eu chwarae.
"Ers fy ethol y llynedd, rwyf wedi ymweld â nifer o grwpiau a chlybiau sy'n cael eu rhedeg yn gyfan gwbl gan wirfoddolwyr. Drwy roi eu hamser am ddim maent yn rhoi mwynhad i'r gymuned ac yn helpu i fynd i'r afael ag unigrwydd a hyrwyddo iechyd meddwl da.
"Tanlinellwyd gwerth gwirfoddolwyr yn ystod y pandemig pan oedd llawer yn ralio o gwmpas y rhai mwyaf agored i niwed i sicrhau bod eu siopa bwyd yn cael eu wneud a bod eu presgripsiynau'n cael eu casglu.
"Fe wnaethon nhw gamu i fyny i ddarparu gwasanaeth hanfodol pan nad oedd llawer o ddewis arall ac ni ddylid byth anghofio hynny.
"Gwirfoddolwyr ledled Cymru yw asgwrn cefn ein cymunedau ac maent yn ysbrydoliaeth – a boed hynny'n parhau."
Os hoffech chi gefnogi Peredur a Plaid Cymru, cliciwch ar y linc yma.
Dangos 1 ymateb